Në krah të kryetarit të Komunës së Mitrovicës Agim Bahtiri, kreu i Partisë Demokratike Lulzim Basha theksoi qëndrimin e opozitës shqiptare kundër çdo ideje për ndryshim të kufijve apo ndarje të Kosovës.<br /><br />?Kundër çdo ndarjeje të Mitrovicës?.<br /><br />Deklaratat e Bashës u mirëpritën nga Bahtiri, i cili kërkoi më shumë mbështetje për gjendjen në të cilën ndodhet Mitrovica.<br /><br />Në ditën e dytë të qëndrimit në Kosovë, Basha u prit edhe nga kreu i komunës së Prishtinës Shpend Ahmeti. Temat e diskutuara nisën me pandeminë pa lënë mënjanë negociatat Prishtinë-Beograd dhe akuzat e Gjykatës Speciale ndaj Ahmeti kërkon bashkëpunim në këtë situatë të vështirë për Kosovën.<br /><br />?Pra, është periudhë e vështirë, ta saktësoj, po t?i shtohet edhe çështja e problemeve ekonomike e shëndetësore, që i kemi për shkak të pandemisë, e pastaj edhe krizën politike, mendoj se ndihma e Shqipërisë tashmë është më e domosdoshme se kurrë?, tha Ahmeti.<br /><br />Por Basha thotë se qeveria e Tiranës duhet të jetë mbështetëse dhe jo protagoniste kur flitet për Kosovën.<br /><br />?Shërbimi më i mirë që mund të bëjë Tirana është të qëndrojë larg protagonizmit të pavend dhe iniciativave të pa konsultuara, të cilat kanë sjellë dëme, që duhen rikuperuar?, tha Basha.<br /><br />Basha përsëriti se synimi i negociatave mes Prishtinës dhe Beogradit duhet të jetë njohja reciproke ndërsa theksoi se akuzat e Hagës do të vërtetojnë se lufta e UÇK-së ishte e drejtë duke mos i kursyer rezervat për procesin.<br /><br />?Boll më me një peshore, e cila anon nga ana e akuzave ndaj viktimës, ndaj mbrojtësve të viktimës, ndërkohë që krimet çnjerëzore të ndodhura në territorin e Kosovës mbeten pa autor?, tha Basha. <br /><br />Basha zhvilloi homazhe edhe pranë varrit të ish-Presidentit Ibrahim Rugova. U ndaj edhe në kullën dhe varrin e Isa Boletinit për ta mbyllur vizitën në Kosovë me homazhe në Prekaz te memoriali i familjes Jashari.<br /><br />Gjatë 2 ditëve në Kosovë Basha u prit nga autoritetet më të larta, Presidenti Thaçi, Kryeministri Hoti, kryeparlamentarja Osmani dhe krerët e partive politike kryesore në vend.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
